Geirþrúðarhagi 2 - Skilalýsing

 

 

Skilalýsing

 

Skilalýsing þessi er hluti af kaupsamningi íbúða við Geirþrúðarhaga 2. Upplýsingar í skilalýsingu geta breyst á byggingartíma. Leitast verður við að halda a.m.k. sambærilegum gæðum byggingarhluta og íhluta, breytist þeir á byggingartíma.

 

 

Hönnun

 

Hönnun hússins er unnin af teikni og verkfræðistofunni Opus ehf. Hönnun raflagna er unnin af Raftákn ehf.

Húsið er staðsett við Geirþrúðarhaga 2 og er á fjórum hæðum, auk kjallara og bílageymslu, með lyftu alls 28 íbúðir. Íbúðunum fylgir sameiginleg hjóla og vagnageymsla í kjallara, þar sem hver íbúð verður líka með sér geymslu. Í kjallara verður einnig tæknirými og herbergi fyrir ræstingu. Í bílageymslu verða 27 bílastæði. Íbúðunum öllum fylgja opnar svalir til suðurs. Svalagangur með glerlokun er á norðurhlið.

 

 

Frágangur utanhúss

 

Útveggir:  Allir útveggir hússins eru einangraðir að utan með 100mm steinull. Húsið er klætt að utan með lituðu áli, láréttri báru og sléttum plötum. Á svalagöngum eru veggir klæddir með viðarklæðningu.

 

Gluggar og hurðir:  Allir gluggar og hurðir eru ál/tré gluggar frá danska framleiðandanum Ideal Compi, af gerðinni Futura+, allir gluggar og hurðir eru með tvöföldu sólstopp gleri (suncool 50/25).

 

Þak:  Loftaplata er steypt. Þak er viðsnúið, með tvöföldu lagi af heilbrædum pappa á slípaðan og grunnaðan steininn. Ofan á pappan kemur XPS einangrun hulin með möl.

Svalir:  Svalagólf er klætt með pallaefni, handriði er samkvæmt teikningu.

Svalgangur:  Snjóbræðslukerfi er á svalagöngum og eru þeir hellulagðir með gúmmíhellum. Glerlokun er á svalagangi.

 

Lóð:  Stéttar við aðalinngang eru steyptar með snjóbræðslukerfi að hluta, bílastæði eru malbikuð. Lóð er þökulögð í samræmi við teikningar. Lóð yfir bílageymslu er þökulögð, og handriði samkv. teikingum. Engar aðrar girðingar né annar gróður fylgir. 

 

Loftræsting:  Vélrænt útsog er frá baðherbergi/þvottahúsi þar sem það á við samkv. teikningum.

 

Frágangur innanhúss

Sameign:  Gólf í kjallara í hjóla- og vagnageymslu er steypt og málað. Gólf og Stigi í stigahúsi eru steypt og flísalögð/teppalögð. Stigahús og veggir í sameign eru málaðir í lit völdum af hönnuði hússins.

Bílageymsla:  Gólf í bílageymslu eru steypt, og verður frárennsli hitaveitu steypt i gólfið til upphitunar. Gólf verða ómáluð fyrir utan merkingar á bílastæðum. Raflögn fyrir rafmagnsbíla verður við öll stæði í bílageymslu. Aðstaða til bílaþvotts verður í bílageymslu.
 

Lyfta:  Lyfta er í húsinu frá viðurkenndum framleiðanda.

 

Útveggir:  Allir útveggir eru sandsparslaðir og málaðir.

 

Innveggir:  Allir innveggir/léttveggir eru klæddir tvöföldu gipsi á stálstoðum, sparslaðir og málaðir.

 

Loft í íbúðum:  Loft eru sandspörsluð og máluð.

 

Gólf í íbúðum:  Burðarplata er steypt þar sem einangrun og hitalögn er lögð ofaná aður en sjálf gólfplatan er steypt. Með þessu næst hámarks hljóðeinangrun milli hæða.Harðparket er á gólfum íbúða, flísar eru á gólfum baðherbergis, þvottahúss og forstofu.

 

Pípulögn:  Gólfhitakerfi er í öllum íbúðum, neysluvatns- og frárennsislagnir eru lagðar samkv. verkfræðiteikningum.

 

Raflögn:  Raflögn er fullfrágengin, ljósakúplar eru á baði, þvottahúsi og geymslu. Innfeld lýsing er í eldhúsinnréttingu. Innfelt ljós er í spegli á baði. Önnur ljós fylgja ekki innan íbúðar. Öll lýsing í sameign verður fullbúinn. Útiljós eru á svalagöngum og svölum. Við innganga hússins verður útilýsing. Reykskynjarar eru í öllum íbúðum og sameign samkv. teikningu. Mynd-dyrasími er í öllum íbúðum.

 

Innréttingar og skápar:  Innréttingar, í eldhúsi, baðherbergi og þvottahúsi eru frá danska framleiðandanum HTH, samkv. teikningu framleiðana. Skápar eru í forstofu, hjónaherbergi og barnaherbergjum samkv. teikningum. Yfirborð allra innréttinga er úr harðplasti. Harðplast er á borðplötum.

Eldhús:  Með eldhúsinnréttingu fylgir bakarofn, keramik helluborð og háfur frá AEG. Gert er ráð fyrir plássi fyrir uppþvottavél. Uppþvottavél fylgir ekki.

Baðherbergi:  Veggir á baðherbergi sem mætast við sturtuhorn eru flísalagðir. Veggir við inngangshurð og bakvið innréttingu eru máliðir. Klósettkassi er innbyggður. Glerhurðir eru við sturtu.
 

Þvottahús:  Veggir í þvottahúsi eru máliðir.

 

Hreinlætistæki:  Öll hreinlætis- og blöndunartæki eru af viðurkenndri gerð og koma þar sem teikningar sýna.

 

Hurðir:  Innihurðir eru hvítar sprautulakkaðar. Handföng eru með stáláferð. Í sameign eru eldvarnahurðir (EI230-Cs) lakkaðar í lit völdum af hönnuði hússins.

 

Eldvarnir:  Hver íbúð er sjálfstætt brunahólf. Reykskynjari og handslökkvitæki verður sett upp í hverri íbúð. Eldvarnahurðir eru í sameign samkv. Teikningu.

 

Annað:  Í öllum íbúðum verður settur upp læstur lyfjaskápur.